Nalunaarsuutit tunngaviusut
Ilinniartitaanermut kisitsisitigut paasissutissani Ilinniagaqarnersiuteqartitsivimmit (USF) nalunaarsuutit tunngavigineqarput.
Nalunaarsuiffik ilinniakkanik
ilinniagaqarnersiuteqarfigineqarsinnaasunik taamaallaat imaqarpoq. Kalaallit Nunaanni ilinniakkat qallunaanit ingerlanneqartut nalunaarsuutaat
(politiinngorniarneq isertitsivinnilu
nakkutilliisunngorniarneq) aammalu
suliffeqarfiit namminneq ilinniakkat ingerlataat nalunaarsuutini ilaanngillat.
Periaaseq
Naatsorsueqqissaartarfiup naatsorsuutit atunnginnerini kisitsisit misissoqqissaarpai, nalilersorlugit aamma suliareqqillugit.
Ilinniarluni ulloq
naammassiffik tunngavigalugu
ilinniartunut nalunaarsuutit
ukiut tamaasa ukiut kingulliit pingasut iluarsineqartarput. Siunissami ilinniarneq pillugu kisitsisitigut paasissutissat assigiiaarnerunissaat
aamma ilinniartunut nalunaarsuutit kingumoortumik iluarsineqartarnissaat eqqarsaatigalugu
taamatut suleriuseqartoqarpoq.
Naatsorsuineq
Ukiumut ataasiarluni
ilinniartitaanermut kisitsisitigut
paasissutissat suliarineqartarput.
Ilinniakkamilli ingerlatsisunut
ulloq 31/12 naatsorsuutini malinneqartarpoq.
Ilinniartitaanermut
paasissutissani ilinniakkamut
ingerlatsineq uuttuutitut atorneqarpoq. Ilinniakkamik ingerlatsinerit amerlassusaat inuillu amerlassusaat assigiinngillat. Assersuutigalugu
ukiup ataatsip ingerlanerani ilinniartoq ilinniakkamik aallartitsisinnaavoq,
aallartitaraluarnilu unitsillugu
ukiullu ingerlanerani ilinniakkamik allamik allartitseqqilluni. Taamaasilluni
aallartitsisimasutut marloriarluni
naatsorsuutini ilaassaaq. Ilinniakkanik ingerlatsinerit inuillu amerlassusaat assigiissinnaapput aatsaat ilinniartunik ingerlatsisunik naatsorsuinermi.
Ilinniartitaanermut
kisitsisit paasissutissaat ilinniakkanik aallartitsisimasunik,
ingerlatsisunik naammassinnissimasunillu
imaqarput, ilinniakkap qaffasissusaa, suiaaassuseq ukiullu malillugit immikkoortiterneqarsimasunik. Kisitsisillu
immikkoortiterneqarput:
·
Ilinniakkamik ingerlatsineq, nuna ilinniakkamik ingerlatsivik malillugu
·
Kalaallit Nunaanni ilinniakkamik ingerlatsineq, ilinniarfik ilinniagarlu malillugit
Naatsorsueqqissaartarfiup ilinniartitaanermut kisitsisitigut
paasissutissiaani UNESCO-p nunat
tamalaat akornanni malittarisassaa ISCED2011-mik taaneqartoq
malinneqarpoq. Taassuma saniatigut Naatsorsueqqissaartarfik
Kalaallit Nunaanni ilinniakkat, ilinniakkap qaffasissusaa malillugu, immikkoortiternerat takussutissiaraa.
Taaguutit takussutissiarlu www.stat.gl–imi
Ilinniartitaanermut tunngasut
ataanni nassaarineqarsinnaavoq.